Google+ Followers

2010年10月5日 星期二

韓國這一年;D-4 第一日上堂

今朝同室友一齊返學睇分班結果,我去完廁所出黎,唔見左佢,後尾先知佢分到去韓國文學 @_@ D同學年紀好大,連阿SIR都年紀好大,聽日仲電影斤賞.係80年代個D呀
我初頭搵左好耐都唔見我個名,原來我個名變左用英文名直接翻成韓文名,我以後係咪要學寫呢個名呀,成四個字架 @_@  我原來係中級1囉~~~ 都同我預期一樣
我班有4個日本人,3個中國人(一個今日無黎,係男仔)兩個台灣女仔,其中一個台灣女仔好鐘意同我講廣東話,佢同佢之前香港同學學,但專學埋d哀野,XDXD ,一個加納(我估,總之係非洲,老師都話第一次教呢個國家既人)有個危地馬拉男仔(佢同我住同一間宿舍,佢仲估我得20歲,哇哈哈,但係我唔會講比佢聽我幾歲架)仲有一個我都唔知係邊度人,佢黎左韓國2年讀緊大學經營系,本來係讀高班,佢自己要轉中級)
跟著又逐個介紹自己,我隔離都係日本人,一個話專長係吹SEXPHONE同英文,另一個話跳舞(2個都係女仔)仲有D男仔就話運動同語言,個個眼X毛好長既男仔(讀緊大學個個)識好多語言架喎,原來法文樣樣都分男仔同女仔,枱係屬於男仔,仲一個日本女仔,MISS話係全班最大姐姐,佢識自己做衫同寫毛筆字,另一個日本女仔為左個韓國男朋友而學韓文
買左2本教科書,加埋36000WON好貴囉~~~我揭過本書,有D文法以前都學過,我估應該都無問題,但都要備下課,上一pART個老師大左肚,無比功課
下一pART個老師係釜山人,佢要我地成班互相交換EMAIL名同國家個D資料,所以第一日已經有齊哂大家既聯絡方法,有一半人都係KHU讀到初二升上黎,我隔離個日本同學係90後,黎3個月但係佢上完第一堂覺得難想降一級.
呢個老師要我地記住大家個名,好似玩遊戲咁打拍字講自己個名
今日有功課做,就係當自己係教授出D問題問學生,聽日角色扮演
上完堂同日本同學食飯,佢又約另一個朋友一齊,去左學生食堂食2500WON,食飯途中佢地不停撞到朋友,全部都係日本人,食完飯又走去事務所問野,跟住佢地又撞到個朋友啦,我同3個日本人一齊去左學校附近CAFE飲野,佢地不停講日文我差D訓著 = = 突然間覺得我應該學下日文
後尾佢地另一個FD同我同路,佢都係黎一年,以後食飯多隻腳












沒有留言:

張貼留言